तळवडे ब्लूमिंग बड्स प्री प्रायमरी स्कूल मध्ये आज गोकुळाष्टमी आणि दही हंडी उत्सव मोठ्या जल्लोषात साजरा करण्यात आला.
यावेळी शाळेतील लहान मुलांनी श्रीकृष्ण आणि राधेचा वेश परिधान केला होता. शाळेच्या आवाराला गोकुळाचे स्वरूप देण्यात आले होते. मुलांनी श्रीकृष्णाच्या जीवनावर आधारित छोटे छोटे नृत्य आणि गाणी सादर केली.
या कार्यक्रमाचे मुख्य आकर्षण म्हणजे चिमुकल्यांनी रचलेली दही हंडी. ‘गोविंदा आला रे आला’ च्या जयघोषात मुलांनी एकमेकांच्या खांद्यावर उभे राहून दही हंडी फोडली. यावेळी सर्वत्र आनंदाचे आणि उत्साहाचे वातावरण होते.
याप्रसंगी शाळेच्या मुख्याध्यापिका आणि सर्व शिक्षक वर्ग उपस्थित होता. मुलांमध्ये भारतीय संस्कृती आणि सणांचे महत्त्व रुजावे या उद्देशाने हा उत्सव साजरा करण्यात आल्याचे शाळेच्या वतीने सांगण्यात आले. कार्यक्रमानंतर मुलांना प्रसादाचे वाटप करण्यात आले.