रेडी नागोळेवाडी येथील प्राथमिक शाळेची दुरावस्था झाल्याने ग्रामस्थांनी नवीन शाळा उभारण्याचा संकल्प हाती घेतला आहे. या उपक्रमाला महाराष्ट्र भाजपा युवा नेते विशालजी परब यांनी मोलाची साथ देत शाळेसाठी एक लाख रुपयांची आर्थिक मदत जाहीर केली.
परिसरातील लहान मुलांना चांगल्या सुविधा मिळाव्यात आणि प्राथमिक शिक्षणाची दारे अधिक सक्षम व्हावीत या उद्देशाने विशालजी परब यांनी रेडी नागोळेवाडी येथे भेट देत ग्रामस्थांच्या हाती मदतीचा धनादेश सुपूर्द केला.
यावेळी रेडी सरपंच भाई राणे, सागर रेडकर, संजय कांबळी, दिनेश बुगडे, शिवा सुर्याजी, परेश सुर्याजी, जयेश राणे, संजय कांबळी आदी मान्यवर उपस्थित होते. ग्रामस्थांनी विशालजी परब यांचे आभार मानत त्यांच्या सामाजिक बांधिलकीचे कौतुक केले.